1. Home
2. Texts
3. Irish note on Conaire Mór and the Ulster Cycle
4. Samples

Edit page.

Irish note on Conaire Mór (Harl. 5280, f. 54r) Cair (.i. comaircim) cia boi ind Eriu i flaith Conairi no cia fot boi Eri cen rig no cia dogab Eri d'es Conaire no cia is taeisce Tain no Bruighen no cia ba ri Erind oc inarbad mac n-Usnech no cia haeis Conculaind ar Tain no cia fot iar Tain co fuair bas ? Ni ansa emh. Secht m-bliadna décc ⁊ tri .xx. di Conaire i rigi n-Eirenn ⁊ .v. bliadhna d'Erind cen rig co n-erracht Lugaid Sriab n-Derg ⁊ re lind Conairi robith maic Uisnech a n-Emain Macha. A cind mis ar di bliadna ar n-dith Conuiri a m-Bruigin Sluaiged na Tana in alio loco dicitur. xiii. bliadna .xx. ria Tain ⁊ .x. m-bliadna .xx. ier Tain soegal Conculaind in alio loco dicitur. Echtrai Nera ⁊ Tain Bo Fraich ⁊ Tain Bo Flidhisi ⁊ Cath Ruis na Righ for Boinn ⁊ Cath Findcorad ria Concobur re lind Conaire in sin uili. Finis.

Irish note on Conaire Mór and the Ulster Cycle •