Source: Colum Cille co Dia domerail, ed. Paul Grosjean, ‘The life of St. Columba from the Edinburgh MS.’, Scottish Gaelic Studies 2 (1927–1928)
Adomnan mac Ronain rocháchain inn orthain-seo.
Colum Cilli co Dia dommerail i tias ni mustias.
Tocad iarmar moi mochelmaine.
Buidne co aingel airm.
Ainm hui nassadaig Neil ni suail snadud sione co harchaṅgel hEil
I ndindgnaib De Athar eter comslechtaib na cethri sen find fichet firien fochanat riched in rig ruinig ruithnigthe.
Nual nad ranic nad rocma.
Recht moe mo Crist cumachtach col.
Colum Cilli.
.i. co nderna Colum Cilli mo erail co Dia intan tias ocus ni rop moch tias.
Sur le mot moi: .i. mei Sur la phrase entière: .i. iar mo thacud (.i. sualach) regat, isi mo chelmuine dam.
.i. is he leth atberim mo erail cosinn airm i filet buidni aṅgel.
.i. ainm hui erdarcaig Neill ni suail in snadud co Dia na narchangel quia idem est hEl et Deus.
.i. i ndignaib .i. hi cumtaigib De Athar ; eter comslechtaib .i. eter comthinoltaib ; na cethri sen finn .xx.i.xii. patriarchae et profetae vel .xii. patriarchae et .xii. apostoli ; fochanat .i. dicenntes ter Sanctus, sanctus, sanctus Dominus Deus Sabaoth; ind rig ruinig .i. ind rig taitcemaig ico atat runa.
.i. sech ni ranic ni ricfa nual debtha in leth sin.
.i. ni ranic col i ndirgidetaig cu dú itá mo Crist cumachtach; no: colo .i. friscuirim ceill isin ṅdirgetaid itá Dia ocus Colem Cilli.
